الفرق بين الناعمه والعربجيه ؟

الفرق بين الناعمه والعربجيه أتمنى مايكون مكرر ولا أحد يزعل كله مزح

*******




اول شيء نبدا فيه الناعمه :

الناعمه..طبعا وهي نايمه الدبدوبي والغزولي والارنوبي كلهم في حظنها ما شاء الله صارت الغرفه

محل العاب واذا قامت من النوم ما تقوم الا الساعه1 الظهر لا بعد واللي يصحيها الشغاله< تقومها

بالانجليزي ...بس انا راح اترجمه لكم ....يالله مرام قوم ماما في قول قوم عاد هي تقول اوكي وتجي

امها وتصحيها مره ثانيه يا مرام حبيبتي اصحي ..

ترد مرايم.. ماما والله بدري الساعه 1 الظهر بدرررري< تدلع هي وخشتها..

< يقالها تو الناس بدري ..طيب ماما من عيوني

قامت البنت من السرير وفتحت الستاره والشبابيك ... علشان الغرفه تتنفس ...ياااااااي..وشغلت

موسيقى رومنسيه علشان تروق بنت الحلال وراحت تاخذ حمام

محترم وبعد ما تطلع من الحمام ورررر على المرايه تحط من هالكريمات والدعافيس على

وجهها .... تعرفون شباب لازم تحافظ على البشره خلصت من المرايه وتتجه الان الى الاستشوار

وش..وش..وش.. وش لحوول ساعتين عز الله اللي اندمرت هالشوشه... خلصت منه دقت

البنطلون الجينز والبلوزه ( هي لبست على الموضه بس ماني قايله ) .. ونزلت تحت تفطر على

كاس عصير برتقال ..... ياي مسويه رجيييييم

نجي للعربجيه..

تقوم الساعه 8 الصبح وهي ما ودها تقوم .. وجات امها تقومها .. يا سوير قومي يا مال الحمى

لحوول زين زييين < تنفخ بعد....

بس لو تشوفون شكلها وهي نايمه.. كراع هنا وكراع هناك .. لا وكل ثلاث ساعات وهي طايحه من

السرير

يجي اخوها حميد < اسمه محمد بس يدلعونه حميد

ويقومها مره ثانيه ياا سوير تقول امي قومي جعلك الموت

ترد سوير..اقول اطلع ولا صكيتك على جبهتك..

ويجي مناحي اخوها الكبير ... سوير وجعععع .. ويعطيها ذيك الرفسه اللي خلت عظامها تهلهل

وبعد تلك الرفسه العنيفه ... فزت فزه ما يعلمها الا الله

وقالها مناحي..قومي صلحي فطور عشر دقايق الا وهو جاهز زينننننن

شوفي ابي قرص وخبز مسح<<<<<< يعني خبز على الحديده

وقامت بعد جهد جهيد وعلى شتم ولعنت الحي والميت حتى ولدعم جد ابوها ما سلم منها


نعود الى الاخت الناعمه

هذي ما تتغدا الا الساعه 3 ولا 5

لا ولا تتغدى الا على رز ابيض مسلوق وسلطه < تحافظ على الرشاقه


العربجيه تتغدا الساعه 12 بالضبط ولا تغدا الا على كبسه لا خلصت الا كاس اللبن مراعي متولم

عندها تشربه شربه وحده يعني ما في مجال انها تنفس وتترع ذيك الترعه أأأأععع..طالعه من قلب

قلبها

الناعمه.. طلعتها تكون من بعد صلاة المغرب<<<< ما تطلع في العصر يااااااااااي تحافظ على

البشره

العربجيه.. تطلع الساعه2 القايله وتدقها كعااااابي لبيت خوالها الين تنقلب خبز اسمر

الناعمه..تروح للفيصليه ولا المملكه وقبل ما تروح السوق تمر على المشغل علشان تحط ميك..اب

سوق < مكياج سوق>>>

العربجيه .. تروح لسوق عربجي عشان تلقى العرابجه اللي مثلها

الناعمه.. اذا تطلعت تطلع مع يارا ولارا< وخياره>> ورولا ومايا وغيرهم


العربجيه..لا جات تزين

شخطت هالعيون بهالكحل والبست البرقع وطلعت هي ومزنه وعمشاء للسوق



الناعمه.. لا جات تضحك هههههههه يالله تسمعها من النعومه


العربجيه..اذا ضحكت اضحكت كذا هاع هاع هاع هاع ...الحمد لله والشكر

واذا جات تمزح مع حميد اخوها اعطته كف حلاقه>>>>>يعني كف قوي علىرقبته

الناعمه..اذا تحب تسمع اغاني ما تسمع عربي خلقه ما تسمح الا ريكي ما رتن طبعااا لانه حلووو


وممثلها المفضل .. توم كروز لاوسامته وميل جبسون وجيم كاري لخفة دمهم واحلى ممثله عندها

جوليا روبرتس

العربجيه ..الاغاني اللي تسمعها خلف بن هذال وحجاب بن نحيت وبشير

حمد شنان وعيسى لاحسائي


الناعمه..لما تتفرج على التلفزيون تجلس على الكنب وتحط رجل على رجل وتبتسم لان

الابتسامه تضفي بشاشه على الوجه

العربجيه.. لا جات تناظر التلفزيون تشوف غصب واحد وغصب اثنين .. وتجلس على الارض وتحط

المركا وراها والكراعين على التلفزيون

وان زهقت من القناة الاولى دقت التلفزيون باصبع رجلها وحطت القنا ة الثانيه

الناعمه اذا تبي تحلم احلام اليقظه طلعت برى في الحديقه حقت بيتهم وجلست على الكرسي

هزاز وقام الكرسي يروح ويعود

العربجيه ..اذا تحلم احلام اليقظه طلعت برى في حوشهم

وفرشت البساط< ابو خمس طعش اللي مخطط باحمر وازرق عرفتوه

وتكت على المركا قعدت تفكر في المروخ (شي مختلط من فكس وابو فاس مع حثال قهوه وشوي

تمر)

*********

ههههههههههههههههههههههههههههههههه
حللللوه المقارنه
يسلمو هالديات يا حق

الله يسللللمك ..

هههههههههههههههههه
من جد في فروووووووووووق
يسلمووووووووووووووووا عالمووووووووضووووووووووووووع.............

هههههههههههههههههههههههههههههههههههههه

واللللللله خطيييييييره العرربجيه الناااااااااعمه ودي اكفخها

العرربجيه احسها خفه دددددددددددم



الحممد لله انا مو عربجيه ولا ماااااااااااااايعه